Бугунги кунда дунёда мамлакатларнинг иқтисодий жозибадорлигини ошириш ва халқаро рейтинглардаги мавқеини мустаҳкамлаш кучли давлат сиёсатининг муҳим йўналишларидан бири ҳисобланади. Ўзбекистон қонунчилигида ҳам ташқи савдони либераллаштириш ва инвестициявий муҳитни яхшилашга алоҳида эътибор қаратилган. “The Heritage Foundation”томонидан эълон қилинган 2026 йилги индексда мамлакатимиз илк бор “ўртача”тоифага киритилган ва 60,3 баллбилан дунёда 86-ўринниэгаллагани жамиятда иқтисодий барқарорликни таъминлашда муҳим аҳамият касб этади.
Шунингдек, тадбиркорлик субъектлари ташқи иқтисодий фаолиятда ва инвестиция лойиҳаларини амалга оширишда халқаро стандартлар асосида иштирок этиш ҳуқуқига эга. Бу имкониятлар нафақат ҳуқуқий жиҳатдан, балки амалий жиҳатдан ҳам таъминланмоқда. Хусусан, мамлакатимизнинг савдо эркинлиги бўйича 80,6 баллҳамда инвестиция эркинлиги бўйича 70 баллтўплагани жаҳондаги ўртача кўрсаткичлардан (70,2 ва 53,4) анча юқори бўлиб, мамлакатнинг очиқлик сиёсати намоён бўлаётганини кўрсатади. Айниқса, ташқи савдо айланмаси ва хорижий инвестицияларни жалб қилишга қаратилган алоҳида динамика ҳам мавжуд. Жумладан, асосий капиталга киритилган хорижий инвестициялар ва кредитлар ҳажми 2025 йилда 422,1 триллион сўмгаетиб, ўсиш 109,3 фоизниташкил этгани иқтисодий фаолликни мустаҳкамлашга хизмат қилади. Шу билан бирга, 2026 йилнинг дастлабки икки ойида ташқи савдо айланмаси 11,6 миллиард долларгаетгани экспорт-импорт амалиётларининг юқори суръатларини муҳофаза қилишга ёрдам беради.
Халқаро рейтинглардаги ижобий баҳо – бу фақат рақамлар билан чекланиб қолмайди. Ушбу жараёнда Барқарор ривожланишнинг 8-мақсадидабелгиланган иқтисодий ўсиш ва муносиб иш жойларини таъминлаш, шунингдек, ташқи савдо балансини мувозанатлаштириш муҳим аҳамиятга эга. Жорий йилнинг бошида экспорт ҳажми олтин сотилишисиз 23,4 фоизгакамайиб, ўсиш асосан импорт ҳисобига юз берган бўлса-да, инвестициявий фаолликнинг сақланиб қолаётгани соҳадаги янги стратегик чора-тадбирларни талаб этади.
Хулоса қилиб айтганда, иқтисодий эркинлик даражасини юксалтириш – бу фақат рейтинг масаласи эмас, балки мамлакат тараққиётининг асосий омилларидан биридир. Чунки иқтисодий эркинлик ва инвестициявий ҳимоя таъминланган жамиятда барқарор ривожланишга эришиш имконияти янада ортиб боради.