Akmal Saidov raisligida O‘zbekiston Respublikasida yuridik fanlarni rivojlantirish bo‘yicha muvofiqlashtiruvchi kengashning navbatdagi yig‘ilishida mamlakatimizda amalga oshirilayotgan konstitutsiyaviy islohotlarning borishi muhokama qilindi .
Shuningdek , aynan huquqshunoslar konstitutsiyaviy komissiyaning asosiy yordamchilari bo‘lishi kerakligi aytildi . Ular, avvalo , konstitutsiyaviy islohotning mazmun-mohiyatini xalqqa tushuntirishi , uning zarurligini asoslab berishi, “O‘zbekiston Respublikasi Konstitutsiyasiga o‘zgartish va qo‘shimchalar kiritish to‘g‘risida”gi qonun loyihasiga aniq takliflar berishi kerak.
Shuningdek , huquqshunoslar va konstitutsiyaviy komissiya ekspertlari uchun Barqaror rivojlanish markazi ishtirokida tayyorlangan “ Konstitutsiyaviy islohotlar : jahon mamlakatlari tajribasi ” ko‘p jildli monografiyasining taqdimoti bo‘lib o‘tdi . Monografiya ushbu sohadagi xalqaro tajribani o‘rganish vazifalarini amalga oshirish doirasida xorijiy mamlakatlarda konstitutsiyaviy islohotlarning dolzarb yo‘nalishlari bo‘yicha olib borilgan fundamental tadqiqotlar natijasidir . Hozirgi vaqtda monografiyaning quyidagi bo‘limlarni o‘z ichiga olgan ikki jildligi nashr etilgan:
1. Konstitutsiyaviy islohotlar ; inson qadr-qimmatini himoya qilish va demokratik boshqaruvning yangi paradigmasi “ Samarali boshqaruv”.
2. Konstitutsiyaviy islohotlar va insonning iqtisodiy huquqlarini himoya qilish.
3. Konstitutsiyaviy islohotlar va fuqarolik jamiyatini rivojlantirish.
4. Konstitutsiyaviy islohotlar va “ Farovon davlat ” konsepsiyasini amalga oshirish.
5. Insonning ekologik huquqlarini himoya qilish konstitutsiyaviy islohotlarning eng muhim tarkibiy qismi va barqaror rivojlanishning eng muhim sharti sifatida.
6. Konstitutsiya: axborot va raqamli jamiyatning shakllanishi.
Asosiysi , barcha materiallar tizimli ravishda xalqaro-huquqiy hujjatlar va xorijiy davlatlar konstitutsiyalari normalariga , shuningdek , Prezident Shavkat Mirziyeyov tomonidan belgilab berilgan konstitutsiyaviy islohotlarning ustuvor yo‘nalishlariga muvofiqlashtirilmoqda.
Shuningdek , Barqaror rivojlanish markazi tomonidan bugungi kunga qadar konstitutsiyaviy islohotlarga bag‘ishlangan yuqori darajadagi xalqaro konferensiyalar shaklida uchta tadbir muvaffaqiyatli o‘tkazilgani ta’kidlandi.
Navbatdagi tadbir 2022 yil 20 iyun kuni Xiva shahrida « Inson-jamiyat-davlat » konstitutsiyaviy tamoyilining hayotga tatbiq etilishi ; milliy va xorijiy tajriba ” mavzusida bo‘lib o‘tishi rejalashtirilgan.