Барқарор ривожланиш маркази ҳамда Тожикистоннинг Халқаро туризм ва тадбиркорлик университети ҳузуридаги Барқарор ривожланиш ва яшил иқтисодиёт илмий-тадқиқот институти ўртасида ҳамкорлик меморандуми имзоланди.
Меморандум доирасида барқарор ривожланиш, яшил иқтисодиёт ва экологик хавфсизлик йўналишларида қўшма тадқиқотлар олиб бориш, илмий-эксперт алмашинувини кенгайтириш, конференция ва семинарлар ташкил этиш ҳамда ҳамкорликдаги лойиҳаларни амалга ошириш назарда тутилган.
Мазкур келишув икки мамлакатнинг илмий ва жамоатчилик институтлари ўртасида амалий алоқаларни мустаҳкамлашга хизмат қилади.