Барқарор ривожланиш маркази Ўзбекистонда барқарор ривожланиш тамойилларини илмий-таҳилий жиҳатдан тадқиқ этиш, уларни амалиётга жорий этиш ҳамда мазкур йўналишдаги давлат сиёсати ва институционал ислоҳотларни қўллаб-қувватлашга қаратилган “Ақл маркази” ҳисобланади. Марказ фаолиятининг асосий вазифалари қуйидагилардан иборат: Бирлашган Миллатлар Ташкилоти томонидан қабул қилинган Барқарор ривожланиш мақсадларини изчил амалга оширишга кўмаклашиш; мамлакатда фуқаролик жамиятини ривожлантириш соҳасида фундаментал ва амалий тадқиқотлар ўтказиш ва улар натижалари асосида стратегик таклифлар ишлаб чиқиш; мамлакатда ахборот жамияти шаклланиши соҳасида ижтимоий шериклик ва жамоатчилик назоратини амалга оширишни ўрганиш ва таҳлил қилишни ташкил этиш; давлат органлари ва фуқаролик жамияти институтлари ўртасида самарали ҳамкорликни ривожлантириш ҳамда уларни қўллаб-қувватлаш ва рағбатлантиришнинг замонавий механизмлари бўйича таклифлар ишлаб чиқиш; барқарор ижтимоий-иқтисодий ва сиёсий-ҳуқуқий ривожланишни таъминлашда фуқаролик жамияти институтлари ва давлат органлари ҳамкорлигини ҳамда уларнинг ҳиссасини баҳолаш индикаторларини ишлаб чиқиш ва жорий этиш, шу асосда илмий-таҳлилий маърузалар тайёрлаш; ижтимоий-иқтисодий, сиёсий-ҳуқуқий жараёнлар ва халқаро муносабатлар ривожини таҳлил қилиш асосида давлат органлари ҳамда ижтимоий-сиёсий ташкилотларга ахборот, маслаҳат ва услубий кўмак кўрсатиш; демократик ислоҳотларни чуқурлаштириш жараёнларида фуқаролик жамияти институтлари иштирокини, шунингдек улар томонидан жисмоний ва юридик шахсларнинг ҳуқуқ ва қонуний манфаатларини ҳимоя қилиш ҳолатини ўрганиш ва тизимли таҳлил қилиш. Марказ фаолияти очиқлик, илмийлик ва самарали ҳамкорлик тамойилларига таянади. У халқаро экспертлар ва ҳамкорларни барқарор ривожланиш соҳасидаги илғор ғоялар ва тадқиқотлар билан танишиш, тажриба алмашиш ҳамда қўшма ташаббусларни амалга оширишга чорлайди.